“تا دێت فشارەکان لەسەر مامۆستایان زیاد دەبێت”

964+

پێشەوا محەمەد

تا دێت فشارەکانی سەر مامۆستایان بۆ شکاندنی بایکۆت زیاتر دەبێت، ئەوە قسەی سەرچاوەیەکی یەکێتیی مامۆستایانی کوردستانە بۆ 964 و دەشڵێت، “چیتر بایکۆت ئامانج ناپێکێت”.

ئەو سەرچاوەیە کە نەیویست ناوی بهێندرێت بە 964ـی راگەیاند، غیابدان و گواستنەوەی مامۆستایان بە چڕی بەردەوامە، “هەرچەند ئێمە وەک یەکێتیی مامۆستایان دژی ئەو کارەین و پێمان باش بوو وەزارەت چەند داواکارییەکی مامۆستایانی جێبەجێ بکردایە و خۆیان دەچوونەوە هۆڵەکانی خوێندن نەک هەڕەشە و سزادان”.

بەپێی زانیارییەکانی یەکێتیی مامۆستایانی کوردستان، لەناو شاری سلێمانی 99٪ـی قوتابخانەکان کراونەتەوە و 90%ـی مامۆستایانیش بایکۆتیان شکاندووە، بەڵام هێشتا لە شارەزوور و سەیدسادق و هەڵەبجە خوێندن دەستی پێنەکردووەتەوە و لە رانییەش 50%ـی قوتابخانەکان کراونەتەوە.

“بەداخەوە حکومەتی هەرێم بێباک بوو بەرامبەر مامۆستایان و پڕۆسەی پەروەردە، لە ئێستاشدا ئەو بایکۆتەی ماوە کاریگەری دروست ناکات چونکە زۆرینە بایکۆتیان شکاندووە و خوێندن دەستی پێ کردووەتەوە”، سەرچاوەکەی 964 وای وت.

ئۆتۆمبێلێک خۆی کرد بە ناو خۆپێشاندانی مامۆستایانی ناڕازیدا