بەهۆی شەڕەوە لە ئاهەنگێکی بوک گواستنەوە کەسێک گیانیلەدەستدا و چوار کەس بریندار بوون

964+

کاروان ساڵحی – کەرکوک

لە ئاهەنگێکی بوک گواستنەوە لە سنووری کەرکوک بەهۆی شەڕەوە کەسێک گیانی لەدەستداوە و چوار کەس بریندار بوون.

ئێوارەی ئەمڕۆ هەینی، لە ئاهەنگێکی بوک گواستنەوە لەگوندی سمایل بەگی سەر بە ناحیەی شوان چوار کەس بریندار بوون و کەسێکێش بە فیشەک گیانی لەدەستدا .

سەرچاوەیەکی تایبەت لە بنکەی پۆلیسی شوان بە 964ـی وت سەرجەم ئەوانەی شەڕیان کردووە بە چەقۆ، خزم و کەس و کاری یەکترن و دەست کراوە بە لێکۆڵینەوە.

سامان یابە بەرپرسی راگەیاندنی فەرمانگەی تەندروستی کەرکوک بە 964ـی وت، لە شەڕەکەدا چوار کەس بریندار بووە بە چەقۆ و برینی یەکێکیان سەختە هەروەها کەسێک بە کڵاشینکۆف تەقەی کردووە و بووەتە هۆی گیان لەدەستانی کەسێکی دیکە..

پێداچوونەوە: توانا نەقی