دیمەنی تەمێکی زۆر لە فرۆکە خانەی بەغدا. وێنە. فڕۆکەخانەی بەغدا
هۆکار چییە؟
گەشتەکانی فڕۆکەخانەی نێودەوڵەتی بەغدا راگیران
964+
توانا نەقی
فڕۆکەخانەی نێوەدەوڵەتی بەغدا بەهۆی کەمبوونەوەی ئاستی بینین و دروستبوونی تەمێکی زۆر گەشتەکانی راگرتووە.
ئەمڕۆ چوارشەممە، لە راگەیەندراوێکدا فڕۆکەخانەی بەغدا ئاماژەی بەوەکرد، دەستەی فڕۆکەخانە سەرنشین و هێڵە ئاسمانییەکان ئاگادار دەکاتەوە، گەشتەکان ئێستا راگیراون.
دەشڵێت، هۆکارەکەی کەمبوونەوەی مەودای بیننە بۆ کەمتر لە 400 مەتر بەهۆی دروستبوونی تەمێکی چڕەوە.
فڕۆکەخانە ئاماژەی بەوەش کردووە، خۆیان گەشتیار و کۆمپانیاکانی هێڵە ئاسمانییەکان ئاگادار دەکەنەوە لە ئاساییبووەنەوەی کەش و دەستپێکردنەوەی گەشتەکان.
زانیاری نوێ:
كاتژمێر 10:00ی ئه‌م به‌یانییه به‌ڕێوه‌به‌رایه‌تیی فڕۆكه‌خانه‌ی به‌غدا رایگه‌یاند، گه‌شته‌كانی فڕۆكه‌خانه‌كه ده‌ستیپێكردووه و ئاسایی بووه‌وه، دوای ئه‌وه‌ی مه‌ودای بینین گه‌یشته 1000 مه‌تر و ته‌مه چڕه‌كه ره‌وییه‌وه.
