دیمەنی تۆمەتبارە دەستگیرکراوەکان نیشان دەدات لەگەڵ ئەو ئاسەوارانەی بۆی گەڕاون _ وینە: بەڕێوەبەرایەتی ئاسایش
چەکیان پێ بووە
لە بیارە چوار کەس شوێنەواریان هەڵکەند و ئاسایش دەستگیریکردن
964+
ئەحمەد مستەفا
بەڕێوەبەرایەتی گشتیی ئاسایش دەڵێت، هێزەکانی ئاسایشی شارەزوور چوار تۆمەتباریان لە بیارە دەستگیرکرد کە سەرقاڵی هەڵکەندنی شوێنەوار بوون.
دوای کۆکردنەوەی زانیاری و چاودێریکردنی وورد، لە رۆژی 9.12.2023 ئاسایش تۆمەتبارەکانی دەستگیرکردووە.
ئەمڕۆ سێشەممە 19.12.2023 لە راگەیەندراوەکەیدا ئەوەی وتووە، لە کاتی دەستگیرکردنی تۆمەتباران، هێزەکانی ئاسایش توانیویانە دەستبگرن بەسەر 12 پارچە شوێنەوار و یەک ئامێری پشکنینی ناوچەی شوێنەواری و چەکێکی بێ مۆڵەتدا.
بە وتەی بەڕێوەبەرایەتی گشتیی ئاسایش بێت، لە ئێستادا تۆمەتباران بەماددەی 24ی شوێنەوار راگیراون و لێکۆڵینەوە لە دۆسیەکانیان بەردەوامە.
