ڤان دیبێک یاریزانی یانەی مانچستەر یونایتد. وێنە: BBC SPORT
یاریی پێ ناکەن
ڤان دیبێک گلەیی لە مانچێستەر یونایتد هەیە و بیر لە رۆیشتن دەکاتەوە
964+
سۆما حەکیمزادە
ڤان دیبێکی هۆڵەندی لە مانچێستەر یونایتد نیگەرانە و دەڵێت، “ئەگەر ئەم دۆخە بەردەوام بێت بیر لە جێهیشتن دەکەمەوە”.
ئەم یاریزانە لەوەتەی پەیوەندی بە یانەی مانچێستەر یونایتدەوە کردووە، نەیتوانیوە ئەو درەوشاوەییە دووبارە بکاتەوە، کە لە ئەیاکس هەیبوو و رۆژانێکی سەختی لەم تیپە بەڕێکردووە.
کێشە سەرەکییەکەی ڤان دیبێک ئەوەیە سێیەکی ئەم وەرزە تێپەڕیووە و تەنیا دووجار دەرفەتی هاتنە ناو یاری پێدراوە.
سەبارەت بە داهاتووی خۆی ڤان دیبێک دەڵێت، “من لە یانەیەکی ئەفسانەییم و تا ئێستاش هەموو رۆژێک شانازی دەکەم کە توانیم درێسی مانچێستەر یونایتد لەبەر بکەم”.
ڤان دیبێک ئەوەش دەڵێت، “من خۆپەرستم و لە ژێر ئەم هەڵومەرجەدا بڕیاری رۆیشتن راستە”.
بڕیار بوو ئەم هاوینە ڤان دیبێک پەیوەندی بە یانەی ریال سۆسیدا بکات، بەڵام لە دوا خولەک هەردوو یانەکە نەگەیشتنە رێکەوتن.
