تیمی بەرگری شارستانی سۆران. وێنە:964
16 تیمی ئامادە کردووە
سۆران خۆی بۆ بارانێکی بەخوڕ ئامادەکردووە
964+
ئاکام غەفو ر- سۆران
دوو رۆژە کەشناسی هۆشداری لە هاتنی شەپۆلێکی بەهێزی باران دەدات و تا کار گەیشتووە بەوەی هۆشداری لە دروستبوونی لافاو بدەن، ئیدارەی سەربەخۆی سۆران چەند تیمێکی خستووەتە حاڵەتی ئامادەباشی.
بەگوێرەی زانیاری بەرگری شارستانی سۆران 16 تیم بە تەواوی کەلوپەلەکانەوە لە قەزا و ناحیەکانی ئیدارەی سەربەخۆی سۆران لە ئامادەباشیدان.
رەوەند هاودیانی وتەبێژی بەرگری شارستانی سۆران بە 964ـی وت، “ئامادەکاری پێشوەختە کراوە بۆ ئەگەری دروست بوونی لافاو، دوو تیمی مەلەوانی تیمێکی پاڵپشتی بە هاناوەچوون و چەند تیمێکی پاڵپشتی لە بەڕێوبەرایەتی لە ئەرک دەبین”.
سەوری شوکری بەرپرسی بەشی خزمەتگوزاری لە شارەوانی سۆران بە 964ـی وت، “هەموو تیمەکان لە ئامادەباشیدان، هەموو مەزراکان پاککراونەتەوە هەر رووداوێکی بەرزبوونەوەی ئاستی ئاو روویدا با خەڵک پەیوەندی بکات بەم ژمارانە، (07504453270) (07507267676).
ئەم ژمارانەش لەلایەن بەرگری شارستانی سۆران بڵاوکراونەتەوە بۆ بەهاناوەچوون، (115) (07502401171) (07507966355).
پێداچوونەوە: فەهمی نەبی
