دیمهنى گهشتێكی شاخڕهویی لهچیاى ههڵگورد - فۆتۆ: سۆسیال میدیا
خزمەتگوزاری دەبرێتە ناوچە شاخاویەکان
پەرە بە گەشتگوزاری زستانە دەدرێت
964+
پێشەوا محەمەد
دەستەی گەشتگوزار پەرە بە گەشتوگوزاری زستانە دەدات و دەیەوێت خزمەتگوزاری بگەیەنێتە هەموو ئەو ناوچە شاخاوییانەی لەو بووارەدا بەکاردەهێندرێن.
دەستەکە پلانێکی هەشت ساڵەی هەیە و تێیدا 15 جۆری گەشتیاریی تێدا جێکراوەتەوە، یەکێک لەوانە راکێشانی گەشتیارە لە وەرزی زستاندا بۆ ناوچە شاخاوییەکانی کوردستان.
“سەرچاوەی باشی گەشتوگوزاری زستانە لە هەرێمی کوردستان هەن و ئێستا بەشێکیان گەشتیاریان بۆ دەچێت”، ئەوە قسەی ئیبراهیم عەبدولمەجید، وتەبێژی دەستەی گەشتوگوزاری هەرێمە بۆ 964.
دەشڵێت، دەستەکە کار دەکات خزمەتگوزاری بگەیەنێتە ئەو ناوچانەی دیکەی بۆ گەشتوگوزاری زستانە دەگونجێن و بۆ ئەوەی گەشتیار بتوانێت سەردانیان بکات.
ساڵی رابردوو شەش ملیۆن گەشتیار هاتبوونە هەرێم و شەش مانگی ئەمساڵیش نزیکەی پێنج ملیۆن گەشتیار هاتبوونە کوردستان، دەستەی گەشتوگوزار چاوی لەوەیە رێژەی گەشتیاری ئەمساڵ هەشت ملیۆن کەس تێبپەڕێنێت.
