دیمهنێكی برڕین و وشككردنى چه‌ند دارێك له سنوورى ناحیهى هێرۆ... وێنه: پۆلیسی دارستانى راپهڕین
500 هه‌زار دینار یان سێ مانگ به‌ندكردن
سزاى نوێ بۆ داربڕه‌كان داندرا
964+
فه‌رهاد حه‌سه‌ن
دەستەی پاراستن و چاککردنی ژینگە سزای بڕینەوەی داری تەڕ و سەوزى ده‌ستنیشانكرد و كه له به‌ندكردن و پێبژاركردنى پاره‌ى له‌گه‌ڵدایه.
هەر کەسێک داری تەڕ و سەوز ببڕێتەوە بە 500 هەزار دینار سزا دەدرێت و ئه‌گه‌ر ئه‌و سزا داراییەش نەدات، بە سێ مانگ بەندکردن سزا دەدرێت.
ئەحمەد محەمەد، بەرپرسی نووسینگەی سەرۆکی دەستەی پاراستن و چاککردنی ژینگە بۆ 964 روونیكرده‌وه، بە پێی یاسای پاراستنی دارستان بڕینەوەی داری تەڕ و سەوز سزای خۆی هەیه کە سزای دارایی، یان بەندکردنە و یاساکەش جێبەجێ دەکرێت.”
وتیشی “هەندێک بازرگان، یان هاوڵاتییان پەنا بۆ بڕینەوەی درەختەکان دەبەن، بۆیه ئه‌و سزایه‌مان داناوه”.
ساڵانه له‌گه‌ڵ نزیكبوونه‌وه‌ى وه‌رزى سه‌رما ژماره‌یه‌كی زۆر خه‌ڵك و كه‌سانى بازرگان له‌ناوچه شاخاوییه‌كان روو له بڕینى دار ده‌كه‌ن.
چه‌ند رۆژێك له‌مه‌وبه‌ر فه‌رمانگه‌ى ژینگه‌ى سۆران ئه‌وه‌ى بۆ 964 ئاشكرا كردبوو كه خه‌ڵك به‌لێشاو له‌سنوورى ئیداره‌ى سه‌ربه‌خۆى سۆران روویان له‌داربڕین كردووه.
فه‌رمانگه‌ى ژینگه: له سۆران داربڕین به‌لێشاو ده‌ستیپێكردووه
