فەرمانگەی کارتی نیشتیمانی رانیە: وەرن کارتی نیشتیمانی وەرگرنەوە

964+

توانا نەقی

ئەو کەسانەی تا مانگی مانگی 10 لە رانیە مامەڵەی کارتی نیشتیمانیان کردووە دەتوانن بڕۆن کارتەکانیان وەربگرنەوە.

فەرمانگەی کارتی نیشتیمانی رانیە بڵاویکردەوە، ئاگاداری ئەو هاوڵاتیانە دەکەنەوە هەرکەسێک مامەڵەی کارتی نیشتیمانی تا رۆژی 25.10.2023 کردووە کارتەکانیان گەڕاوەتەوە و دەتوانن وەریبگرن.

دەشڵێت: پێویستە هاوڵاتی پێداویستییەکانی وەرگرتنەوەی کارتی نیشتیمانی پێبێت وەک وەسڵی وەرگرتن، ناسنامەی باری کەسی و کارتی نیشتیمانی کۆن ئەگەر هەیبێت.

فەرمانگەکە ئاماژەی بەوە کردووە، لە رۆژانی یەکشەممە تا پێنجشەممە کاتژمێر 2:00 تاوەکو 4:00ـی دوانیوەڕۆ دەتوانن سەردانیان بکەن بۆ وەرگرتنەوەی کارتەکانیان.

هاوڵاتیانی رانیە دەتوانن کارتی نیشتیمانی وەربگرنەوە