حاسڵاتی ئەمڕۆ
گفتۆگۆکانی نێوان ئیسرائیل و حەماس شکستی هێنا
964+
ژووری هەواڵ
لە حاسڵاتی ئەمڕۆ پێتان دەڵێین، لە دوێنێوە تا ئەمڕۆ لە غەزە چی روویداوە.
ئەم بەیانییە جارێکی تر ئینتەرنێت و هێڵەکانی مۆبایل لە باکووری غەزە پچڕان، هاوکات میدیای ئیسرائیل، دەڵێت پێشڕەوی سوپاکەیان زۆر لەسەرخۆیەو لە هەندێ شوێن تەنیا چەند سەد مەترێک چوونەتە پێشەوە.
کەناڵی NBC ئەمریکی بڵاویکردەوە: دانوستانی ئیسرائیل و حەماس بۆ ئازادکردنی دیلەکان شکستی هێناوە، حەماس مەرجی ئەوە بووە پێش هەر هەنگاوێک سوتەمەنی رەوانەی غەزە بکرێت، ئیسرائیلیش رازی نەبووە.
رێکخراوەکانی منداڵان دەڵێن، تا ئێستا زیاتر لە هەزار منداڵ لە ژێر داروپەردووی باڵەخانەکانی غەزە بێ سەروشوێنن لەلایەکی دیکە جێگری سەرۆکی ئەمریکا رایگەیاند هیچ نیازێکیان نییە هێزی شەڕ بنێرێتە ئیسرائیل.
