منداڵە رفێندراوەکە دوای دۆزرانەوەی لەنێو سندوقی ئۆتۆمبێلەکەدا. فۆتۆ: پۆلیسی کەرکوک
منداڵەکە حەوت ساڵانە
منداڵێکی خستووەتە سندوقی ئۆتۆمبێلەکەی و رفاندوویەتی
964+
هاوبەش ئەبوبەکر
کەسێک لە کەرکوک منداڵێکی حەوت ساڵانی بەمەبەستی رفاندن خستووەتە سندوقی ئۆتۆمبێلەکەیەوە بۆی دەرچووە، بەڵام هێزەکانی پۆلیس پێیان زانیوە و دەستگیریان کردووە.
ئەمڕۆ یەکشەممە 22.10.2023، پۆلیسی کەرکوک رایگەیاند، کەسێک کە ئۆتۆمبێلێکی جۆری BMWـی لێخوڕیوە، منداڵێکی حەوت ساڵانی لەبەردەم ماڵی خۆیان خستوویەتیە ناو سندوقی ئۆتۆمبێلەکەیەوە و رفاندوویەتی.
هێزەکانی پۆلیسی کەرکوک توانیویانە رفێنەرەکە دەستگیر بکەن و منداڵەکەش بدۆزنەوە، دەستیشیانگرتووە بەسەر دەمانچەیەکدا کە بە تۆمەتبارەکە بووە.
تۆمەتبارەکە دانی بە تاوانەکەیدا ناوە و وتویەتی کە منداڵەکەی لەبەردەم ماڵی خۆیان، لە گەڕەکی عەسکەری رفاندووە.
پۆلیسی کەرکوک رایگەیاند، منداڵەکە لە بنکەی پۆلیس رادەستی کەسوکارەکەی کراوەتەوە.
