کاتی بەڕێوەچوونی ئۆپەراسیۆنەکە. فۆتۆ: دژەتیرۆری سلێمانی
تۆمەتبارە بە تیرۆر
هاوپەیمانان و دژەتیرۆر کەسێکیان لە سلێمانی دەستگیر کرد
964+
هاوبەش ئەبوبەکر
دژەتیرۆری سلێمانی رایگەیاند، لە ئۆپەراسیۆنێکی هاوبەشدا لەگەڵ هێزەکانی هاوپەیمانان و دژەتیرۆری عێراق، کەسێکیان بە تۆمەتی تیرۆر لە سنوری پارێزگای سلێمانی دەستگیر کرد.
ئەمڕۆ چوارشەممە 18.10.2023، دژەتیرۆری سلێمانی رایگەیاند، تۆمەتبارەکە لەلایەن دادگاکانی عێراق داواکرابوو بە مادەی 4ـی تیرۆر.
دەستگیر کراوەکە تەمەنی 38 ساڵە و خەڵکی پارێزگای بابلە، دژەتیرۆری سلێمانی وا دەڵێت.
ئەمە دووەم کەسە لەم مانگەدا و لە سلێمانی بەتۆمەتی تیرۆر دەستگیر دەکرێت. پێشتریش لە رێکەوتی 6.10.2023، دژەتیرۆری سلێمانی کەسێکی بەهەمان تۆمەت دەستگیر کرد، کە خەڵکی ئەنبارە و تەمەنی 44 ساڵە.
