دیمەنێک لە کۆبوونەوەی زبڵ لە ناو بازاڕی هەولێر. فۆتۆ: خزمەتگوزاری ژینگەپارێزی
به‌بۆنه‌ی مه‌ولوده‌وه
24 تۆن زبڵ و خاشاك له بازاڕی هه‌ولێر كۆكرایه‌وه
964+
ئه‌رسه‌لان عه‌بدوڵا
به‌هۆی ئه‌و رێوڕه‌سم و قه‌ره‌باڵغییه‌ی به‌بۆنه‌ی یادی له‌دایكبوونی پێغه‌مبه‌ری ئیسلام له ناو بازاڕی هه‌ولێر هه‌بوو، 24 تۆن زبڵ و خاشاك جێهێڵدرا و دره‌نگانی شه‌وی رابردوو كۆكرایه‌وه.
بەڕێوەبەرایەتیی خزمەتگوزاریی ژینگەپارێزی له هه‌ولێر، بڵاویكرده‌وه، به‌بۆنه‌ی یادی مه‌ولودی پێغه‌مبه‌ره‌وه بەڕێوەبەرایەتییه‌كه‌یان، هەڵمەتێکی فراوانی خاوێنکردنەوەی شەقامەکانی ناو سەنتەری شار و چواردەوری قەڵای هه‌ولێری ئەنجامدرا، بەم هۆیه‌وه نزیکەی 24 تۆن خۆڵ و خاشاک كۆكراوه‌ته‌وه و فڕێدراوە.
دوێنێ چوارشه‌ممه یادی له‌دایكبوونی پێغه‌مبه‌ری ئیسلام “موحه‌مه‌د” بوو، به‌م بۆنه‌یه‌وه له هه‌ولێر و شاره‌كانی دیكه رێوڕه‌سم و ئاهه‌نگی جه‌ماوه‌ریی فراوان به‌ڕێوه‌چوو.
له هه‌ولێر به هه‌زاران كه‌س له پاركی ناوبازاڕ و ده‌وروبه‌ری قه‌ڵا كۆبوونه‌وه و چه‌ند چالاكییه‌كی جیاواز به‌ڕێوه‌چوون.
ئەوقافی کەرکوک: بۆ هەفتەیەک چالاکییەکانی مەولود رادەگرین
