چەند سەربازێکی عێراقی لەکاتی چاودێری پاسەوانەکانی سنوور. وێنە: العربی الجدید.
عێراق سنوورەکانی لەگەڵ سوریا دەکاتە دیواری کۆنکرێتی
964+
فەهمی نەبی
ئەنجومەنی وەزیرانی عێراق رەزامەندیداوە لەسەر خەرجکردنی زیاتر لە 15 ملیار دینار بۆ دروستکردنی دیوارێکی کۆنکریتی لەسەر سنووری نێوان عێراق و سوریا بەدرێژی 50 کیلۆمەتر.
لە دانیشتنی رۆژی یەکشەممەی ئەنجومەنی وەزیرانی حکومەتی عێراق بڕیاردرا لەسەر تەرخانکردنی 15 ملیار و 140 ملیۆن و 400 هەزار لەسەر بودجەی وەزارەتی ناوخۆ بۆ دروستکردنی ئەو دیوارە.
ئەو ناوچەیەی دیوارە کۆنکرێتیەکەی لێ دروستدەکرێت، دەکەوێتە سنووری ناوچەی شەشی پاسەوانی سنوور، لە ناوچەی شەرجی الراوی، کە دەبێتە درێژەپێدەری ئەو دیوارەی پێشوتر دروستکراوە.
عێراق لەگەڵ سوریا 599 کیلۆمەتر سنووری هەیە.
