بەشێک لە ئەو میوەیەی کە لە عەلوەی سلێمانی دەستیبەسەردا گیراوە. فۆتۆ: قایمقامیەتی سلێمانی
لە عەلوەی سلێمانی زیاتر لە 11 تۆن سەوزە و میوە دەستیبەسەردا گیراوە
964+
هاوبەش ئەبوبەکر
لە مانگی ئابدا، تەنیا لە عەلوەی سلێمانی دەستگیراوە بەسەر زیاتر لە 11 تۆن سەوزە و میوەی خراپبوودا کە شیاونەبوون بۆ خواردن.
ئەمڕۆ یەکشەممە 3.9.2023، قایمقامیەتی سلێمانی رایگەیاند، بەپێی راپۆرتی لیژنەی عەلوە، لە مانگی رابردوودا دەستگیراوە بەسەر بڕی 11 تۆن و 668 کیلۆ سەوزە و میوە و لەلایەن لیژنەی تایبەتەوە لەنێوبراون.
بەشێک لە ئەو سەوزە و میوانە، لەلایەن خاوەنەکانیانەوە رادەست کراون و لیژنەکانیان لێئاگادارکردووەتەوە، رێکان جەمال سەرۆکی لیژنە هاوبەشەکانی قایمقامیەتی سلێمانی وای وت.
سەروەر عەلی، سەرۆکی لیژنەی سەندیکای عەلوەی سلێمانی بە 964ـی وت، هۆکاری خراپبوونی زۆربەی ئەو سەوزە و میوانە ئەوەیە کە بۆ ماوەیەکی زۆر لەنێو بەڕادەکاندا دەمێننەوە.