شارەوانیی سلێمانی - وێنە: شارەوانیی سلێمانی
دووسایدی سلێمانی – تاسڵوچە دیزاین دەکرێتەوە
964+
پێشەوا محەمەد
دووسایدی نێوان سلێمانی تاسڵوجە دیزاین دەکرێتەوە و لە ئێستادا کۆمپانیای GMWـی بەریتانی کاری دیزاینەکە جێبەجێ دەکات.
ئەمڕۆ پێنجشەممە 31.8.2023 شارەوانی سلێمانی لەگەڵ کۆمپانیاکە کۆبووەتەوە و باسی قۆناغەکانی کارەکە کراوە.
شەقامەکە لە پێنج زۆن پێکهاتووە و 15 هەزار و 422 مەتر درێژە و سەر بە هەریەکە لە شارەوانییەکانی رۆژئاوا، بەکرەجۆ، راپەڕین و تاسڵوجەیە.
شارەوانی سلێمانی بڵاویکردووەتەوە، لە هەردوو بەری شەقامەکە 130 مەتر کشانەوەی بۆ کراوە و سەرجەم چالاکییەکانی دەوروبەری شەقامەکە دیاریکراون، کە بریتی دەبن لە؛ نیشتەجێبوون، بازرگانی، وەرزشی، رۆشنبیری، سەوزایی، بینای تێکەڵ، گەنجینە، گواستنەوە و فڕۆکەخانە.
ئاماژە بەوەش دراوە، بە تەواوبوونی کارەکە سیمایەکی جوان بە شاری سلێمانی دەبەخشێت.