15 ماڵ سوودمەند بوون

رێگای چوونەسەرەوەی کەلێی ئاکرێ کۆنکرێت کرا

964+

زەید کۆچەر-دهۆک

رێگای چیای کەلێی ئاکرێ و رەزێ میری کۆنکرێت کرا و 15 ماڵیش لەم رێگایە سوود مەندبوون و لە خۆڵەکەی پێش دەرگاکەیان نەجاتیان بوو.

ئەمڕۆ دووشەممە 28.8.2023، زێرەڤان تەمۆ بەرپرسی راگەیاندنی سەرۆکایەتی شارەوانی ئاکرێ بە 964ـی وت، درێژی رێگەکە زیاتر لە 100 مەترە و پارەی کۆنکرێتکردنەکەی لەسەر بودجەی سەرۆکایەتی شارەوانی ئاکرێیە.

رێگەکە شەقامێکی سەرەکییە بۆ چوونەسەرەوە بۆ کەلێی ئاکرێ و لە ئاهەنگەکانی نەورۆزدا خەڵکێکی زۆر بەکاریدەهێنن.

“پێشتر رێگەکە تەسک و ناخۆش بوو، بۆ چوونەسەرەوە کێشەی هەبوو، ئێستا ئەو کێشەیەی نەماوە”، زێرەڤان تەمۆ وای وت.

پێداچوونەوە: هاوبەش ئەبوبەکر