دیمەنی تەرمەکە دوای دۆزینەوەی کە تەنیا ئێسقان و جلەکانی ماون. وێنە: سوپای عێراق
"لەمێژە کوژراوە"
ئێسک و پروسکی ئەفسەرێکی وەزارەتی ناوخۆ لەناو مەنهۆڵی ئاوەڕۆ دۆزرایەوە
964+
سیروان خورشید
ئێسک و پروسکی ئەفسەرێکی وەزارەتی ناوخۆی عێراق، لە گەڕەکی عەسریەی قەزای بێجی، لەناو مەنهۆڵی ئاوەڕۆ دۆزراوەتەوە.
قەزای بێجی دەکەوێتە پارێزگای سەڵاحەدین.
“تەرمەکە کۆنە و شێواوە، تەنیا ئێسک و پرسکی لێماوەتەوە، بەشێوەیەکی سەرەتایی دەرکەوتووە ئەفسەر بووە لە هێزەکانی ناوخۆ”، ئەمە قسەی سەرچاوەیەکە لەناو فەوجی فریاکەوتنی سەڵاحەدین بۆ 964.
تەرمەکە جلەکانی هێشتا لەبەردایە، جلەکان سەربازین و هی وەزارەتی ناوخۆی عێراقن.
ئەو سەرچاوەیە وتیشی، دەرکەوتووە ئەو کەسە کوژراوە، رەوانەی پزیشکی دادوەرییان کردووە بۆ لێکۆڵینەوەی زیاتر.