ئامێرێکی بیرلێدان لە کاتی هەڵکەندنی بیردا - وێنە: پۆلیسی دارستان و ژینگەی سلێمانی
51 هاوڵاتی لەسەر بیرلێدان دەستگیر کراون
964+
پێشەوا محەمەد
پۆلیسی دارستان و ژینگەی پارێزگای سلێمانی لە ماوەی ئەمساڵدا 51 هاوڵاتی لەسەر لێدانی بیر دەستگیر کردووە.
ئەو کەسانە بەشێک خاوەنی ئامێرەکانی بیرهەڵکەندن بوون و بەشێکیشیان ئەوانە بوون کە بیرەکەیان لێداوە.
“بیرلێدان قەدەغەیە، بەڵام هاوڵاتیان پێوەی پابەند نابن و لە شوێن و جێی جیاواز سەرپێچی رێنمایی قەدەغەکردنەکە دەکەن و بە نایاسایی بیر لێدەدەن”، ئەوە قسەی هێمن کەمەرخان، وتەبێژی پۆلیسی دارستان و ژینگەی سلێمانییە بۆ 964.
دەشڵێت، جگە لە دەستبەسەرداگرتنی ئامێری بیرهەڵکەندنەکە سزای داراییش هەیە لە 100 هەزار بۆ 10 ملیۆن دینار.