جۆكۆڤیچ تۆڵه‌ی خۆی له‌ ئه‌لكاراز كرده‌وه‌

+964

ئه‌رسه‌لان عه‌بدوڵا

نۆڤاك جۆكۆڤیچی ئه‌ستێره‌ی ناوداری تێنس تۆڵه‌ی خۆی له‌ كارلۆس ئه‌لكارازی یاریزانی ئیسپانی كرده‌وه‌ و له‌ یاریی كۆتایی پاڵه‌وانیه‌تیی سێنسێناتی توانی لێی بباته‌وه‌.

یاریی كۆتایی پاڵه‌وانیه‌تییه‌كه‌ به‌ره‌به‌یانی ئه‌مڕۆ به‌ كاتی كوردستان كرا و جۆكۆڤیچ دوای چوار كاتژمێر یاریكردن، توانی به‌ ئه‌نجامی 2-1 كۆمه‌ڵه‌ له‌ ئه‌لكارازی برده‌وه‌، به‌مه‌ش زۆر خۆشحاڵ بوو، به‌ جۆرێك جله‌كانی له‌به‌رخۆیدا دڕاند.

جۆكۆڤیچ 1000 خاڵ و نازناوی سێنسێناتی به‌ده‌ستهێنا، هه‌روه‌ها تۆڵه‌ی خۆی كرده‌وه‌، دوای ئه‌وه‌ی له‌ پاڵه‌وانیه‌تیی وێمبڵدۆنی ئه‌مساڵ به‌ ئه‌لكاراز دۆڕا و نازناوه‌كه‌ی له‌ ده‌ست دا.