باسکەی زاخۆ چاوەڕێی سێ یاریزانی پیشەگەر دەکات

+964
شڤان عەبدوڵا – زاخۆ

یانه‌ی زاخۆ گرێبه‌ستی حه‌وت یاریزانی تیپی باسكه‌ی یانه‌كه‌ی نوێكرده‌وه‌، گفتوگوشیان لەگەڵ سێ پیشەگەر كردووه‌.

تیپی باسکەی زاخۆ تیمێکی زوڕ رێکخستو و بەتوانایە لەسەر ئاستی عیراق، لە وەرزی رابردوودا کاروانێکی ئەنجامی باش ئەمجامیدا تا گەیشتە چوارگوشەی زێڕین و پلەی سێیەم لەسەر ئاستی عیراق بەدەستهێنا.

سێ لەو حەوت یاریزانانە گرێبه‌ستیان نوێكردووه‌ته‌وه‌، برای یەکترن و خەڵکی شاری زاخۆن، ئه‌وانیش موراد، جەگەر و محەمەد عەلی، یاریزانه‌كانی دیكه‌ش محەمەد حەسەن، محەمەد زیا و موهەنەد عەبدولکەریم و عومران ئیبراهیمن.

عادل رەمزی، وتەبێژی یانەی زاخۆ بە 964 راگەیاند: هه‌ر حه‌وت یاریزان خەڵکی زاخۆن و لە وەرزی پێشوو هەموویان لە خولی نایابی باسکەی عیراق یارییان بۆ زاخۆیان دەکرد و ئاستێکی زۆر باشیان پێشکەش کرد”.

ئاشكراشی كرد، “لە گفتوگۆداین لەگەڵ سێ یاریزانی پیشەگەر و لە کاتێکی نزیکدا گرێبەستی ئەوانیش بۆ جەماوەری زاخۆ رادەگەیه‌نین، تەنیا هەندێک رێککاری كارگێڕی ماون.

باسکەی زاخۆ بەهەمان شێوەی تیپی توپی پێی یانه‌كه‌، خاوەن جەماوەرێکی زۆر و بەهێزە، بە جۆرێک لە هەندێک یارییەکانی تیمەکەدا جه‌ماوه‌ر لە دەرەوەی یاریگه‌ی زاخۆش لە یارییەکان ئامادە دەبن و هانی تیمه‌كه‌ ده‌كه‌ن.

وه‌رزی رابردووش تیمه‌كه‌ گەیشتنە چوارگوشەی زێرینی خولی نایابی عێراق و پلەی سێیەمی بەدەستهێنا.

پێداچوونه‌وه‌: ئه‌رسه‌لان عه‌بدوڵا