سلێمانی.. 450 کیلۆگرام گۆشت دەستی بەسەرداگیرا

964+

فەرمان سادق

لەماڵێکدا دەستبەسەر 450 کیلۆ جگەر و گۆشتی قەدەغەکراو گیرا.

ئەو گۆشتە ئەمڕۆ دەستی بەسەردا گیراوە و بڕی 200 کیلۆ لەناو ماڵەکەدا بووە و 250 کیلۆش لەناو ئۆتۆمبێلی خاوەن ماڵەکە بووە.

گۆشتەکە لە ماڵێکی گەڕەکی کارێزەوشک دەستی بەسەرداگیراوە و گۆشتی قیمە و جگەر بووە کە مۆری پێوە نەبووە و گۆشتی قەدەغەکراو بووە.

قایمقامیەتی سلێمانی دەڵێت، زانیاریان هەبوو لەو ماڵەدا بڕێکی زۆر قیمە و جگەر و گۆشتی بێمۆر هەیە، بۆیە بە بڕیاری دادوەر بڕیاری لێکۆڵینەوە و پشکنین بۆ ماڵەکە دەرچوو.

رێکان جەمال، سەرۆکی لیژنە هاوبەشەکانی قایمقامیەتی سلێمانی رایگەیاند، دوای لێکۆڵینەوە و پشکنین بۆ ماڵەکە دەرکەوت لەرووی تەندروستی و ڤێتێرنەرییەوە بەهیچ جۆرێک ئەو قیمەو گۆشتانە رێگەپێدراو نین.

دەشڵێت: خاوەنی گۆشتەکە دەستگیرکراوە و تەواوی گۆشت و قیمەکەش لەناو دەبرێت.