دەریاچەکانی پارکی ئازادی لە وشکبووندان

964+

دیلان محەمەد جەزا

بەهۆی گەرماوە وردە وردە بێ ئاوی روو لە پارکی ئازادی سلێمانی دەکات، نزیکەی 10 رۆژە بیرەکانیان رێژەی ئاویان کەمبووەتەوە، بەشێوەیەک پێویستی پارکەکە پڕ ناکەنەوە.

بەکر مستەفا، بەڕێوەبەری پارکی ئازادی بە 964ـی وت، نزیکەی 10 رۆژە ئاوی بیرەکانی پارکی ئازادی کەمیکردووە، رۆژانە نزیکەی 500 هەزار لیتر ئاو بە تانکەر بۆی دابین دەکرێت، ئەو بڕەش تەنیا بۆ نیوەی پارکەکەیە.

لە پارکی ئازادیدا پێنج بیر و کارێزێک هەیە، بەهۆی گەرماوە رێژەی ئاویان کەمیکردووە بەشێوەیەک لە دوو کاتژمێردا تەنیا 15 خولەک ئاودەدەن.

لەو دوو حەوزەی لە پارکەکەدا هەیە، حەوزی ژمارە یەک تا کۆتایی ئەم مانگە ئاوی تیا دەمێنێت و ئەویش بەتاڵ دەبێتەوە، چونکە رۆژانە لێی بەکاردێنن.

پێداچوونەوە: توانا نەقی