چوار چەكداری داعش لە دوبس كوژران

964+
کاروان ساڵحی – كەركوک

شەوی رابردوو، چوار چەكداری داعش لە گوندی قەرەدەرە لە بۆردومانی ئاسمانی سوپای عێراقدا كوژراون.

سەرچاوەیەکی ئەمنی تایبەت لە ژووری ئۆپراسێونە هاوبەشەکانی كەركوك بە 964+ی وت، شەوی رابردوو، هێزە ئاسمانییەكانی سوپای عێراق بۆردومانی چەند ناوچەیەكیان لە نزیك گوندی قەرەدەرە كرد و چوار چەكدار كوژراون.

گوندی قەرەدەرە سەر بەناحیەی دوبسە لە رۆژئاوای كەركوك و ماوەیەكە جموجۆڵی چەكدارانی داعشی لێدەبینرێت.
بۆردومانەكە بە فڕۆكەی ئێف ١٦ كراوە لەلایەن ژووری ئۆپراسیۆنە هاوبەشەكانی سوپای عێراق و فڕۆكە جەنگیەكانی فەرەنسا.