كه‌مپی ئاشتی له عهربهت ... فۆتۆ : slemani.gov.krd
له كه‌مپی ئاشتى منداڵێک گیانی لە دەستدا
+964
دیلان محەمەد جەزا – سلێمانى
لە رووداوێكی ئاگركەوتنەوەدا لە خێوەتێكی كه‌مپی ئاشتی لە عەربەت منداڵێكی دوو ساڵان گیانى له‌ده‌ست دا.
+964 دەزانێت، رووداوەکە دوێنێ روویداوە بەڵام ئیدارەی کەمپەکە هەوڵیدا پەردەپۆشی بکات و میدیاکان پێی نەزانن، بەڵام گیانلەدەستدانی منداڵە دوو ساڵانەکە هەواڵەکەی گەیاندە کەناڵەکانی میدیا.
ئارام عەلی وتەبێژی بەرگریی شارستانیی سلێمانی بە +964 ی راگەیاند، رووداوەكە دوێنێ ھەینی بەهۆی شۆرتی كارەباوە لە خێوەتی خێزانێكی كه‌مپەكە روویداوە.
وتیشی “خێوەتەكە بە تەواوی سووتاوە و بەهۆیەوە منداڵێكی تەمەن نزیكەی دوو ساڵان گیانی لەدەستداوە”.
باسی لەوەشکرد، تەنھا ئەو خێوەتە سوتاوە و ھیچ کەسێکی دیکە زیانى پێنه‌گه‌یشتووه.
كه‌مپی ئاشتی لە ناحیەی عەربەتی سەر بە پارێزگای سلێمانیە، نزیكەی هەزار و ٨٥٥ خێزانی ئاوارەی پارێزگاكانی سەڵاحەدین، شەنگال و نەینەوای لێ نیشته‌جێیه