بۆ بارە نا ئاساییەکان

کۆگایەکی مۆدێرن لە پارێزگای هەڵەبجە دروست دەکرێت

964+

محەمەد عومەر – هەڵەبجە

بە سپۆنسەری رێکخراويکی ئەڵمانی کۆگایەک بۆ حاڵەتی لەناکا و باری نائاسایی لە هەڵەبجە دروست دەکرێت.

کۆگاکە دەکەوێتە دەروازەی شار و لەلایەن بەڕێوەبەرایەتی کۆچ و کۆچبەران و وەڵامدانەوەی قەیرانەکانی

پارێزگای هەڵەبجە سەرپەرشتی دەکرێت.

فریاد نەجمەدین بەڕێوەبەری کۆچ و کۆچبەران و وەڵامدانەوەی قەیرانەکانی هەڵەبجە بە 964ـی وت، کۆگاکە لە سەر رووبەری 600 مەتر دروستدەکرێت

کۆی پارەی تەرخانکراو بۆ پڕۆژەکە 300 ملیۆن دینارە و لەلایەن رێخراوی THWـی ئەڵمانییەوە سپۆسەر دەکرێت.

وتیشی، کۆگاکە وە عەمبارێک دەتوانرێت سوودی لێببینرێ کەل و پەلی جۆراوجۆری تێدەکرێت و ئەو هاوکاریانەشی لەلایەن رێکخراوەکانەوە دەبەخشرێتە هەڵەبجە لەوێ دادەنرێت و لە کاتی باری نائاسایی و لە کاتی خۆیدا سوودی لێدەبینرێت.

بڕیارە کۆگاکە پاش تەواو بوونی سەرجەم پێداویستییەکانی بۆ تەرخان بکرێت وەک فێنککەرەوە و  بەڕاد و خێمە و کەلو پەلی فریا گوزاری سەرەتای و لەگەل ئۆتۆمبێلێکی بارهەڵگر.

پێداچوونەوە: توانا نەقی