کارمەندێکی شارەوانی بۆ وێنەگرتن شار بە شار دەگەڕێت
964+
هونەر فارس
ئەحمەد ساڵح کە بە (ئەحمەد سپۆرت) ناسراوە، کارمەندێکی ژینگەپارێزی شارەوانییە لە قەزای دەربەندیخان، بەر لە چەند ساڵێک وەکو وێنەگری یانەی دەربەندیخان کاریکردووە.
ئێستا ئەحمەد وێنەگرێکی وەرزشی سەربەخۆیە و رۆژانە دوای پاککردنەوەی قەزاکەی لە زبڵ و خاشاک، ئەگەر فێستیڤاڵ یان یارییەکی بەهێز هەبێت روو لە شارەکانی دیکە دەکات بۆ ئەوەی چەندین وێنەی جوانی تیا بچرکێنێت.
وەک خۆی دەڵێت، وێنەگرتن بۆ ئەحمەد تەنیا حەز و خولیایە و نەیتوانیوە ببێتە سەرچاوەی داهات، بەڵام رێگریش نەبووە لە کاری ژینگەپارێزییەکەی و حەقی تەواوەتی بە هەردووکیان داوە.