دیمەنێک لە باڵەخانەی بانکی رەشید لە دەرەوە. وێنە: پەیجی بانکەکە
بۆ کڕینی خانوو بانکێک سەروو 10 دەفتەر دۆلارت بە قەرز پێدەدات
964+
فەرمان سادق
لە دەستپێشخەریەکدا بانکی رەشید پێشینەیەکی 150 ملیۆن دیناری بۆ کڕینی خانوبەرە راگەیاند.
ئەمڕۆ پێنجشەممە 6.7.2023، بانکی رەشید راگەیاند کە پێشینەیەک دەداتە فەرمانبەران و هاوڵاتیان کە بڕەکەی 150 ملیۆن دینارە بۆ کڕینی خانوبەرە.
بانکی رەشید دەشڵێت: بڕی ئەو پارەیەی وەک پێشینە دەدرێت بە فەرمانبەران، وەک قەرزێکی درێژخایەن وایە و لە موچەکانیان دەبڕدرێت بەگوێرەی رێنماییەکان.
بانکی رەشید و بانکی رافیدەین، دوو بانکی حکومین و دەیان جۆر پێشینە بە هاوڵاتیان و فەرمانبەران دەدەن، بەڵام هەردوو بانکەکە ئەو خزمەتگوزارییە نادەن بە دانیشتووانی هەرێمی کوردستان.