سێوە خراپبووەکە بە شۆفڵ لەنێودەبرێت. فۆتۆ: گومرگی راپەڕین
گومرگی راپەڕین دەستی بەسەر نزیکەی سێ تۆن سێودا گرت
964+
هاوبەش ئەبوبەکر
نزیکەی سێ تۆن سێوی گەنیو و خراپبوو لە ئێرانەوە هێنراوەتە گومرگی راپەڕین و خاوەنەکەی ویستویەتی داخڵی هەرێمی کوردستانی بکات و لەوێ ساغیبکاتەوە.
ئەمڕۆ چوارشەممە 5.7.2023، جەوهەر رەسوڵ، بەڕێوەبەری گومرگی راپەڕین بە 964ی وت، بڕی سێوەکە دوو تۆن و 920 کیلۆگرام بوو، هەمووی لەناوبراوە.
سێوەكان بە نرخی عەلوە، بایی زیاتر لە دوو ملیۆن دینارن.
مانگی رابردووش، بڕی 10 تۆن سێوی سوور لە كۆنترۆڵی جۆریی گەرمیان دەرنەچوو، دەستی بەسەردا گیرا و رێگە نەدرا بچێتە بازاڕەوە.