وهزارهتى كاروبارى شههیدان و ئهنفالكراوان - فۆتۆ : سۆسیال میدیا
حكومهت، گرێبهستى كهیسێكی گرنگ لهگهڵ دهزگایهكی ناديار دهكات
+964
فهرهاد حهسهن – ههولێر
ئەنجومەنی وەزیران، وەزارەتی شەهیدان رادەسپێرێت کە گرێبەستی ناساندنی دانپێدانانی کۆمەڵکوژی کورد لەگەڵ دەزگایەکی بیانی بکات، پەرلەمانتارێکیش دەڵێ؛ دەزگایەکە بوونی نیە.
ئومێد سەباح، سەرۆکی دیوانی ئەنجومەنی وەزیران، وەزارەتی کاروباری شەهیدان و ئەنفالکراوان رادەسپێرێت بۆ ئەنجامدانی گرێبەستی دانپیدانانی کۆمەڵکوژی کورد لەگەڵ دەزگای (KG Lobby Center).
نووسراوەکەی ئەنجومەنی وەزیران بە ژمارە (١٦٥٣٦) لە (١٣/١١/٢٠٢٢) دەرچووە، کۆپییەکەی دەست +964 کەوتووە، بەپێی ناوەڕۆکی نووسراوەکە بێت، وەزارەتی کاروباری شەهیدان و ئەنفالکراوان ناچار کراوە تەنیا لەگەڵ ئەو دەزگایە گرێبەست بکات، گرێبەستەکەش بۆ چوار قۆناغەو بڕی ٣٧٨ هەزارو ٦٠٠ یۆرۆ دەدرێت بە دەزگایەکە.
عادل محهمهد ساڵح، وتهبێژى وهزارهتى كاروبارى شههیدان و ئهنفالكراوان به +964 ی راگهیاند ، كه (KG Lobby Center) سهنتهرێكه بۆ كۆكردنهوهى كهسانى شارهزا له بوارى سیاسیی و یاسایی بۆ داكۆكیكردن لهههر كهیسێك كه گرێبهستیان لهگهڵدا دهكرێ له دادگا نێودهوڵهوتییهكان و پهرلهمانهكانى ئهوڕوپا، بۆ به جینۆساید ناساندنى ئهو كهیسانهى كه لهرێگهى گرێبهستهوه پێیان دهدرێ، دەڵێ “ئۆفیسى سهرهكى ئهو سهنتهره له وڵاتى هۆڵهندایه”.
+964 لە گوگڵ، گەڕانی بۆ دەزگای (KG Lobby Center) کردووە، بەلام هیچ ئەنجامێک دەست نەکەوت و نەتوانرا ئەوە بسەلمێنێت کە دەزگایەکی تایبەتمەندە بە پرسی جینۆسایدی گەلان، بۆیە هەوڵیدا لە رێگەی لیژنەی کاروباری شەهیدان و ئەنفالکراوانی پەرلەمانی کوردستانەوە زیاتر سۆراغ بکات.
سهوسهن میرخان، سەرۆکی لیژنەی کاروباری شەهیدان و ئەنفالکراوان لە پەرلەمانی کوردستان به +964 ى وت “جارێ بهدواداچوون دهكهین، هیچ زانیارییهكمان لهسهر ئهو دهزگایه نیه، كه بهدواداچوونمان تهواو كرد، ئینجا قسهى خۆمان دهكهین”.
ئەو قسانەی سەوسەن میرخان و وتەبێژی وەزارەتی کاروباری شەهیدان، لە کاتێکدایە پەرلەمانتارێکی فراکسیۆنی یەکێتی نیشتمانی کوردستان لە پەیجی تایبەتی خۆی لە فەیسبووک دەڵێ؛ ئەو دەزگایە بوونی نیە.
کاروان گەزنەیی دەڵێ “جگە لە سپیکردنەوەی پارە و پارە خواردن زیاتر شتێکی دیکە نیە، هەمو ڕێکارە پەرلەمانییەکانمان گرتۆتەبەر، و ئیتر رێکاری یاساییش دەگرینەبەر لەهەمبەر ئەو کەیسە.”
