فەرمانبەرانی کارەبای کەرکوک لەکاتی چاکسازی لە تۆڕەکانی کارەبادا. فۆتۆ: فەرمانگەی دابەشکردنی کارەبای کەرکوک
سووتانی محاویلەیەک چوار گەڕەکی کەرکوک بێ کارەبا دەکات
964+
هاوبەش ئەبوبەکر
بە هۆی لەکارکەوتنی محاویلەیەک، کاتژمێرەکانی پێدانی کارەبا لە چوار گەڕەکی کەرکوک کەمتر دەبنەوە.
ئەمڕۆ دووشەممە 26.6.2023، فەرمانگەی دابەشکردنی کارەبای کەرکوک رایگەیاند، بڕینی کارەبا لە گەڕەکەکانی شۆرجە، رزگاری، راپەڕین و پەنجا عەلی زیاتر دەبێت.
دەشڵێت هۆکارەکەی ئەوەیە محاویلەی 1323ـی باشووری کەرکوک لە کەرتی 33 کەیڤی، کە گوشاری زۆری لەسەر بووە گڕی گرتووە و لەکارکەوتووە.
ئێستا فەرمانبەرانی کارەبا سەرقاڵی چاککردنەوە یان گۆڕینی محاویلە سووتاوەکەن، فەرمانگەی دابەشکردنی کارەبای کەرکوک وا دەڵێت.