زاخۆ.. دەستبەسەر 4 تۆن ئاردی ساختە گیرا

964+

فەرمان سادق

لیژنە هاوبەشەکانی قایمقامیەتی قەزای ناوەندی زاخۆ دەستیانبەسەر چوار تۆن ئاردی ساختە گرت.

ئەمڕۆ پێنجشەممە 15.6.2023، لیژنەکانی قایمقمایەتی قەزای زاخۆ کەسێکیان دەستگیرکرد کە ساختەکاری لە کوالێتی ئارد کردووە و دەیویست بیفرۆشێتەوە.

قایمقامیەتی قەزای زاخۆ بڵاوی کردەوە کە بڕی ئاردەکە چوار تۆن بووە، واتە 80 فەردە ئاردی 50 کیلۆیی.

دەشڵێت: ئەو کەسەی ساختەکارییەکەی کردووە بەپێی یاسا دەدرێتە دادگا.