دەستکرا بە دابەشکردنی موچەی مامۆستایانی وانەبێژ

964+

فەرمان سادق

دوای کۆتایی هاتن بە دابەشکردنی موچەی فەرمانبەران، لە سەرەتای ئەم هەفتەیە دەستکراوە بە دابەشکردنی موچەی مامۆستایانی وانەبێژ.

ئەمڕۆ چوارشەممە 31.5.2023، لە سنووری هەردوو قەزای بەردەڕەش و ئاکرێ، دەستکراوە بە دابەشکردنی موچەی مامۆستایانی وانەبێژ کە ژمارەیان لەو دوو قەزایە دەگاتە سەرووی 4700 مامۆستای وانەبێژ.

بڕیارە سبەی پێنجشەممە 1.6.2023،لە هەردوو سنووری پەروەردەکانی پارێزگای هەولێر و پارێزگای دهۆک دەستدەکرێت بە دابەشکردنی موچەی مانگی 4ـی مامۆستایانی وانەبێژ.

ژمارەی مامۆستایانی وانەبێژ لە کوردستان 35 هەزار و 546 مامۆستایە.

عەلی رەئوف، یەکێک لە نوێنەرانی مامۆستایانی وانەبێژ بە 964ـی وت، هەفتەی داهاتوو دەستدەکرێت بە دابەشکردنی شایستەی دارایی مامۆستایانی وانەبێژ لە سنووری پەروەردەکانی پارێزگای سلێمانی و هەڵەبجە و هەردوو ئیدارەی سەربەخۆی گەرمیان و راپەڕین.

964 دەزانێت، رۆژی یەکشەممەی رابردوو، مامۆستایانی وانەبێژی سنووری پەروەردەی مەخمور وەک یەکەم سنووری پەروەردەیی موچەی مانگی 4ـیان وەرگرتووە.