چوار پۆند لە دهۆک دروستدەکرێن

964+

هێڤی دێوالی – دهۆک

لە پارێزگای دهۆک چوار پۆندی گلدانەوەی ئاو دەچنە بوواری جێبەجێکردنەوە، کە زیاتر لە یەک ملیۆن مەتر سێجا ئاو گلدەدەنەوە.

پۆندەکان لە قەزاکانی ئامێدی، سێمێل و شێخان دروست دەکرێن و لە ماوەی ساڵ و نیوێکدا تەواو دەکرێن.

ساڵی 2022 حکومەتی هەرێم رەزامەندی لەسەر دروستکردنی 41 پۆند داوە.

هێژا عەبدولواحید، بەڕێوەبەری ئاودێری دهۆک بە 964ی وت، “ئەو پۆندانە بۆ بەرهەمی جوتیاران و ئاوی ژێرزەوی گرنگن و دەبنە هۆی زیادکردنی سامانی ماسیش”.

بوودجەی پۆندەکان لەسەر وەبەرهێنانی دهۆکە.

“وا بڕیارە رەزامەندی پۆندێکی دیکە لە بارمەنێ وەربگرین و جێبەجێ بکرێت”، ئەمەش وتەی هێژا عەبدولواحیدە.

پێداچوونەوە: پێشەوا محەمەد