مینی ئەربیل لە باخچەی ئاژەڵانی هەولێر. وێنە: پارێزگای هەولێر
مینی ئەربیل دروستكرا
964+
كوردستان ئەحمەد
لەناو باخچەی ئاژەڵانی هەولێر، شارەکە بە بچوکكراوەیی دروستكراوە و هاوڵاتیان دەتوانن هەموو كوچە و كۆڵانەكانی ببینن.
لە هۆڵێكی داخراودا، كە دیوارەكانی بە وێنەی كۆنی شاری هەولێر و كەسایەتی و گوند و ناحیەكانی دەوروبەری رازێنراوەتەوە لە ناوەڕاستەكەیدا بە كۆنكرێت و پێداویستی بیناسازی، شاری هەولێر بە بچوكکراوەیی دروستكراوەتەوە.
شارەكە بچوكە، لە دووری دوو مەترەوە دەتوانرێت كۆڵان و باخچە و بازاڕ و مۆڵەكانی بە تەواوەتی ببینرێت، رووناكی و سەوزایی و هێماكانی هاتوچۆی بۆ كراوە.
ئومێد خۆشناو، پارێزگاری شارەكە لەوبارەیەوە نوسیویەتی، مینی هەولێر لە پاڵ دیزاینی نەخشەی شاری هەولێر، “هاوکات هەموو مەعالمی مێژوویی و شارستانییە بەناوبانگەکانی شاری هەولێر بە شێوەی بچوککراوە لەخۆگرتووە”.
باخچەی ئاژەڵانی هەولێر، گەورەترین باخچەیە لە جۆری خۆی لە عێراق و هەرێمی كوردستان، رووبەرەكەی 200 دۆنمە، لە بەشی خۆرهەڵاتی شاری هەولێر دروستكراوە، دەكەوێتە سەر رێگەی كەسنەزان، زیاتر لە 150 جۆر ئاژەڵ و باڵندە و پەلەوەری جیاجیای تێدایە.
