بەهۆی مەقەستکردنی دوو بارهەڵگر رێگای لۆفەکانی کورتەک داخرا
964+
ژێوار خدر
بەهۆی مەقەستکردنی دوو بارهەڵگر لۆفەکانی کورتەک بۆ ماوەی کاتژمێرێک داخرا.
وەک لە گرتە ڤیدیۆییەکەدا دەردەکەوێت دوو ترێلە لە لۆفەکانی کورتەک سوڕاون و بەهۆیەوە رێگاکە بەڕووی ئۆتۆمبێلدا داخراوە.
دوای کاتژمێرێک بەسەر داخرانی رێگاکە، شوفێرانی هەردوو بارهەڵگرەکە توانیان خۆیان لەو سوڕانە رزگار بکەن و رێگاکەش بەڕووی ئۆتۆمبێلدا بکرێتەوە.
دلێر ئیسماعیل، سەرۆکی شارەوانی سەنگەسەر بە 964+ـی وت، رێگا گرتنەکە بەهۆی مەقەستکردنی دوو ترێلەوە بووە لە لۆفەکانی کورتەک، ئێستا هاتوچۆ ئاسایی بووەتەوە.
لۆفەکانی کورتەک سەر بە قەزای پشدەری سەر بە ئیدارەی سەربەخۆی راپەڕینە، نزیکە لە ناحیەی سەنگەسەر.
پێداچوونەوە: فەرمان سادق