بە بلاجكتۆر رووناك كرایەوە
ئیتر ئاڵای كوردستان لەسەر كێلیا دەدرەوشێتەوە
زەید کۆچەر-دهۆک
لەسەر چیای كێلیا شەدە ئاڵایەكی كوردستان هەیە، بەڵام رووناك نەبوو، كۆمەڵێك گەنج رووناكییان بۆ داناوە.
ئەبو هەرکی، خاوەنی پرۆژەکەیە بۆ ئەم بابەتە و بۆ 964ی وت، دوای ئەوەی رەزامەندیمان لە حكومەت وەرگرت، توانیمان بلاجكتۆر بۆ ئاڵاكە دابنێین و رووناكی بكەینەوە.
چوار بلاجیکتۆری گەورە لەم قۆناغەدا دادەنێین بۆ روونکردنەوەی ئاڵاکە، دوای سێ مانگی دیکە هەوڵ دەدەین زیاتری بکەین، بۆ ئەوەی ئالای کوردستان بە شەویش لە دهۆکدا ببینرێت .
. سەرجەم خەرجییەکان لە ئەستۆی گرووپەكەدایە و نزیکەی 1500 دۆلار بۆ ئەم پرۆژەیە خەرج کراوە
چیای کێلیا شەدا، دەکەوێتە بەرامبەر پارێزگای دهۆک و ئالایەکی گەورەی کوردستان لەسەر بنارەکەیەتی، ئێستا بووەتە شوێنێکی گەشتیاری.
پێداچوونەوە: كوردستان ئەحمەد
