گوندی بەشیریان ئۆتۆمبێل منداڵێک دەشێلێت وێنە-964
منداڵێک ئۆتۆمبێل دەیشێلێت و گیان لەدەستدەدات
964+
زەید کۆچەر – بەردەڕەش
ئێوارەی ئەمڕۆ هەینی لە کۆمەڵگای بەشیریان سەر بە ناحیەی کەڵەک کچێکی تەمەن سێ ساڵان بەناوی “پەیام هۆشیار یونس” ئۆتۆمبێلێک خۆی پیادا دەکێشێت و دەستبەجێ گیان لەدەست دەدات.
سەرچاوەیەک لە نێو گوندەکە کە نەیویست ناوی ئاشکرا بکرێت بە 964ی وت، ئەم ئێوارە ئۆتۆمبێلێک لە کاتی گەڕانەوەی بۆ ناو گوند منداڵەکەی نەبینیوە و کەوتووەتە ژێر ئۆتۆمبێلکە و گیانی لەدەستداوە.
وتیشی، شۆفێرەکە خۆی منداڵکە دەگەیەنێتە نەخۆشخانەی فریاکەوتنی خەبات و دوای ئەوەی گیان لەدەستدەدات تەرمەکەی دەگوازنەوە بۆ پزیشکی دادی هەولێر.
شوفێری ئۆتۆمبێلەکە گەنجە و تەمەنی نزیکی 30 ساڵە خەڵکی تۆپزاوایە و ئێستا لەلایەن پۆلیسەوە دەستگیر کراوە و لێکۆڵینەوەی لەگەڵ دەکرێت .
پێداچوونەوە: توانا نەقی