فێستیڤاڵی دەف و خواردنی كوردەواری لە شارەدێی بنكان لە رۆژهەڵاتی كوردستان، دیمەنەكان ئاهەنگ و خۆشی دانیشتوانی شارەدێكە نیشان دەدەن. ئەم وێنانە لە ئەكاونتی فۆتۆگرافەر هۆگر کەمال وەرگیراوە.
بە وێنە
سێ رۆژە لە پاوە دەنگی دەف و دەهۆڵ دێت
964+
كوردستان ئەحمەد
لە شاری پاوەی رۆژهەڵاتی كوردستان سێ رۆژە فێستیڤاڵی دەف و دەهۆڵە و دوو رۆژی دیكەش بەردەوام دەبێت.
بەیانیان زوو لە شارەدێی بایەنگان سەر بە قەزای پاوە، هاوڵاتیان بەدەنگی دەهۆڵ و دەف خەبەریان دەبێتەوە.
فێستیڤاڵەکە بۆ خواردنی كوردەواری و ژەنینی دەفە.
شارەدێی بایەنگان سەرجەم دانیشتوانەكەی هەورامین، خانوەكان لەسەر یەك هەڵچنراون، بەجۆرێك سەربانی ماڵەكان دەبنە حەوشەی ماڵەكانی تر.
كوڕ و كچی گەنج و پیر، دەفیان بەدەستەوەیە و بە جلی كوردیەوە لەسەر بانەكان كۆدەبنەوە، هەر هەموویان بە یەك دەنگ و ئاواز دەف دەژەنن، بە جارێك دۆڵ و چیاكە دەنگی دەفی لێدێت.
شار سەراپا بۆنی چنور و شەوبۆ و رێحانە و بەیبونە، گوڵ و گوڵزار و سەوزای تەواوی چیاكەی داپۆشیوە.
ئەم فێستیڤاڵە ساڵانە لە شارەدێی بایەنگان دەكرێت و هەموو دانیشتوانەكەی بەشداری تێدا دەكەن و پێشوازی لە میوانە بیانیەكان دەكرێت.
