خوێندکارێکی زانکۆی راپەڕین پێویستی بە هاوکارییە

2023-04-18 | 00:21

964+

ژێوار خدر – راپەڕین

گروپی کۆمەکی زانکۆی راپەڕین کەمپەینێکیان بۆ خوێندکارێک لە بەشی جوگرافیای كۆلێژی زانستە مرۆڤایەتیەكانی زانكۆی راپەڕین راگەیاند، کە هەردوو گورچیلەکانی لەدەست داوە و بە زووترین کات پێویستی بە نەشتەرگەری هەیە.

بەهۆی ئەوەی کە خێزانی ئەو خوێندکارە توانای دابینکردنی خەرجی پێویستیان نیە بۆ ئەنجامدانی نەشتەرگەریەکە و ناتوانن چارەسەری بكەن، خوێندکار و مامۆستایانی زانکۆی راپەڕین دەیانەوێت لە ڕێگای ئەو کەمپەینەوە هاوکاری خوێندکارەکە بکەن.

لەتیف یەحیا، سەرپەرشتیاری گروپی کۆمەکی زانکۆ بە 964ی وت: “ئەو خوێندکارە پێویستی بە بڕی 75 ملیۆن دینارە بۆ ئەنجامدانی نەشتەرگەری و مانەوەی لە نەخۆشخانە”.

وتیشی، لە سەرەتای کەمپەینەکەوە خێرخوازێکی زۆر بەدەم کەمپەینەکەوە هاتوون و هاوکارییەکی زۆر کۆکراوەتەوە و کەمپەینەکەش بەردەوام دەبێت تا بڕی پێویستی پارە بۆ ئەنجامدانی نەشتەرگەرییەکە کۆدەبێتەوە.

لە کەمپەینی رانیە و قەڵادزێ سندووقی هاوکاری دانراوە و لە رێگەی چەند ژمارە تەلەفۆنێکەوە خێرخوازان دەتوانن هاوکارییەکانیان بگەیەنن