نرخی زێڕ لە بەرز بوونەوەدایە
964+
شیراز عەبدوڵا – هەولێر
بەهای ئۆنسە لە بازاڕەکانی جیهانی هەڵکشا، لەگەڵ خۆشیدا نرخی زێڕی لە کوردستانیش بەرز کردەوە.
ئەمڕۆ 5.4.2023، نرخی مسقاڵێک زێڕ لە بازاڕەکانی زێڕینگرانی هەولێر تاوەکو 10 هەزار دینار بەراورد بە ئێوارەی دوێنێ هەڵکشا.
بە قسەی زێڕینگرەکان بێت، هۆکاری هەڵکشانەکە پەیوەندی بە بەرزبوونەوەی ئۆنسە هەبووە لە بازاڕەکانی جیهانی.
شەوی رابردوو بەشێوەیەکی چاوەڕوان نەکراو بەهای ئۆنسە لە بازاڕەکانی جیهانی بەرزبووەوە کە ساڵی 2022ـیش وەها نرخێکی بەخۆیەوە نەدیوە.
دڵشاد عەزیز، خاوەنی زێڕنگەری کریستاڵ لەناو بازاری قەیسەری هەولێر بە وت، لە ئێستادا یەك ئۆنسە زێڕ نرخەكەی گەیشتۆتە 2022 دۆلار و لەماوەی ئەم هەفتەیە چەندین جارە نرخی زێر بەرزبوونەوە بەخۆیەوە دەبینێت.
نرخی یەک مسقاڵ زێڕی عەیار 21 بە 435 هەزار دینار بووە، هاوکات عەیار 24 بە 490 هەزار دینار و عەیار 18 بە 370 هەزارە.
جاسم بەزار، خاوەنی زێڕینگری دۆلفین بە 964 وت، جگە لە پرسی ئۆنسە ئەوا هەڵکشانی نرخی دۆلاریش بەرامبەر بە دینار هۆکار بووە، ئەو دووە کاریگەریان بەسەر بەهای زێڕەوە هەیە.
پێداچوونەوە: فەرمان سادق