زاخۆ لە یاریگای خۆی بەرامبەر زەورا یەکسانبوو

964+

شڤان عەبدوڵا – زاخۆ

لە گەڕی 22ـی خولی نایابی عێراق زاخۆ لە یاریگای خوی بەرامبەر زەورا یەکسانبوو بە گوڵێک

گۆڵەکەی یانەی زەورا لەخولەکی 21 لە لایەن هێرشبەری یانەکە ” عەلی یوسف ” توومارکرا، گێمی یەکەم بە پێشکەوتنی یانەی زەورا بەرامبەر زاخۆ بەگۆڵێکی بێ بەرامبەر کوتایی هات.

لە سەرەتای گێمی دووەم یانەی زاخۆ توانی ئاستێکی باش پێشکەش بکات تا لە خولەکی 49 یاریزانی یانەی زاخۆ ” حجازی ماهر ” توانی گۆڵی یەکسانبوون بکات.

هەردوو یانە زۆر هەوڵیاندا گۆڵ توومار بکەن، بەڵام یارییەکە بە یەکسان بوونی هەردوو یانە بە گۆڵێک کوتایی هات.

سیپان سدیق، کاپتن و یاریزانی یانەی زاخۆ بۆ 964 وتی: زۆر هەوڵماندا جەماوەری خومان بە سەرکەوتن دڵ خوشبکەین بەڵام نەمانتوانی، چونکە یانەی زەورا یەکێکە لە بەهێزترین یانەکانی خولی عێراقی.

پێداچوونەوە: توانا نەقی