بۆ نەخۆشانى شێرپەنجە و ئازیزانى داون و ئۆتیزم

خواردنی کەبابخانەی سلێمانی لە هەولێر بەخۆڕاییە

رێباز یونس-هەولێر

کەبابخانەی سلێمانی لە هەولێر بۆ نەخۆشانى شێرپەنجە، ئازیزانى ئۆتیزم و داون هەموو رۆژێک خواردنی کردووە بە خۆڕایی.

بەڵێن محەمەد، خاوەنی کەبابخانەی سلێمانی لە هەولێر بە 964ـی وت،”ویستمان کارێکی خێرخوازی و مرۆڤانە بکەین، ئەگەر کەمیش بێت یارمەتیی نەخۆش بدەین، حەزی لە هەر چی بێت دەتوانێت بەخۆرایی بیخوات و هەموو رۆژێک بەردەوامە”.

“ئۆفەرەکە تەنیا لە ناو کەبابخانەکە هەیە و بە دیلیڤەری ناینێرین، ئەو نەخۆش و ئازیزەى بێتە ناو کەبابخانە دەتوانێت کەباب، سنگی مریشک، باڵ یان ران بخۆن کە دوو شیش بەخۆڕاییە”، بەڵێن محەمەد، وادەڵێت.

پێداچوونەوە: کوردستان جەلال