دوو هاوسەری نابیستن و خاوەن دوو منداڵی تەندروستن
964+
ئاکام غەفور – خەلیفان
دوو هاوسەری یەکترن هەردوکیان نە دەبیستن و نە قسە دەکەن، بەڵام ئەوە رێگر نەبووە لە دەربڕینی هەستی خۆشەویستی بۆیەکتر و ژیانێکی ئارام لەگەڵ یەک بە سەردەبەن.
یوسف و لیمۆ خاون پێداویستی تایبەتن و دانیشتووی گونی ئالانەی سەر بە ناحیەی خەلیفانن، یوسف تەمەنی 50 ساڵە و لیمۆی هاوسەریشی تەمەنی 42 ساڵە.
ئەم دوو هاوسەرە 17 ساڵە بە ئاماژە ژیان لەگەڵ یەکتر بەسەردەبەن و لەیەک تێدەگەن، خاوەنی دوو منداڵن و کچە گەورەکەیان 16 ساڵ تەمەنییەتی لەگەڵ براکەیدا بە ئاسانی لە باوک و دایکیان تێدەگەن.
پێداچوونەوە: توانا نەقی