خوێندکارانی بەشە ناوخۆیی “شەهید شەوكەت” خۆپیشاندانیان کرد

 964+
مریەم ئەحمەد – هەولێر

كاتژمێر 3:30 خولەكی بەرەیەیانی رۆژی چوار شەممە، خوێندکارانی بەشە ناوخۆیی “شەهید شەوکەت” لە هەولێر بەهۆی نەبوونی خزمەتگوزاری پێویست لە بەشە ناوخۆییەکەیاندا رژانە سەر شەقام و خۆپیشاندانیان کرد.

ئەوان داوای خزمەتگوزاری ئاو و خواردن و دەرماڵە و خزمەتگوزارییەکانی دیکە دەکەن.

ئەوان ژمارەیان لە 100خوێندكار زیاترە و بۆ چەند خولەكێك رێگەی  هەولێر- كەركوكیان داخست.

یەكێك لەو خوێندكارانە کە قسەی بۆ 964 کردووە و نەیویست ناوی ئاشكرا بكرێت دەڵێت: پاش چەند خولەكێك لە خۆپیشاندان پۆلیس هاتنە نێو خۆپیشاندەرەكان و كۆتاییان بە خۆپیشاندانەكە هێنا.

وتیشی “رێگەنادەن خوێندكارەكان لە بەشە ناوخۆییەكان بێنەدەرەوە و دەرگایان بەسەردا داخراوە”.

بەشە ناوخۆیی شەهید شەوكەت، دەكەوێتە سەر رێگای سەرەكی هەولێر بۆ كەركوك، خوێندكارانی زانكۆی سەلاحەدین تێیدا نیشتەجێ كراون.