دۆسیەی 2016 کۆتایی هات
16 هەزار چهكی پاره بهسهر جووتیارانی هەولێر دابهش دهكرێت
964+
فەرمان سادق
دوا بەشی پارەی گەنمی جووتیاران بۆ ساڵی 2016 بە دابەشکردنی 16 هەزار چەک کۆتایی پێهات.
دوای ئەوەی لە سلێمانی و دهۆک پارەی گەنمی جووتیاران بۆ ساڵی 2016 دابەشکرا، ئەمڕۆ لە هەولێریش دەست بە دابەشکردنەکە کرا.
ماردین ئەبوبەکر، بەڕێوەبەری راگەیاندن و پەیوەندییەکان لە وەزارەتی بازرگانی بە 964ـی وت، کۆی پارەکە کە هاتووە 56 ملیارو 103 ملیۆن و 198 هەزار دینارە، ئەمەش کۆتا بەشی شایستەی جووتیارانە بۆ ساڵی 2016.
زیاتر وتیشی “ئەمڕۆ دەست بە دابەشکرنی کرا، 16 هەزار جووتیاری سنووری پارێزگای هەولێر پارەکە وەردەگرن، پێشتریش جووتیارانی سلێمانی و دهۆک پارەکەیان وەرگرتبوو”.