زیاتر لە 75 ساڵ ژیان لەناو لوقمدا
964+
دیلان محەمەد جەزا
یەکێکە لە کارگە کۆنەکانی شاری سلێمانی، لە ساڵی 1947ەوە لوقم و کونجی و گەزۆ دروست دەکەن، لە مانگی رەمەزاندا فرۆشیان بەشێوەیەکی بەرچاو زیاد دەکات.
توانای عەبالەی حەڵواچی خاوەنی کارگەی دروستکردنی شیرینیە کە لە باپیریەوە پیشەی حەڵواچێتی بۆ ماوەتەوە. رۆژانە بەپێی بەکارهێنانی هاوڵاتی بەرهەمەکانیان دروستدەکەن.
بەیانیان زوو گەزۆ و سەرجەم جۆرەکانی لوقم و کونجی و شروبی و لەبزینە دروستدەکەن، بە تایبەت کە لە مانگی رەمەزاندا فرۆشی لوقم زۆر دەبێت.
شەربەت لە دروستکردنی لوقمەکانیاندا بەکاردەهێنن و کار بۆ ئەوە دەکات لە داهاتوودا رەنگ بەکارنەهێنن.