"زەریبە زیاد دەبێ و کڕیار و فرۆشیار زەرەرمەند دەبێ"
خاوەن نوسینگەکانی خانووبەرە لە کەرکوک دژی دانانی ئەپلیکەیشنێک گردبوونەوە
964+
کاروان ساڵحی – کەرکوک
خاوەن نوسینگەکانی خانووبەرە لە کەرکوک دژی دانانی ئەپلیکەیشنێک گردبوونەوە و دەڵێن، بەو ئەپلیکەیشنە مامەڵەیان بۆ ناکرێ و کڕیار و فرۆشیار زەرەرمەند دەبن.
ئەپلیکەیشنەکە لەلایەن ژووری بازرگانی عێراق و بەناوی (منصة عقاري) دانراوە، چەند خاوەن نووسینگەیەک قسەیان بۆ مایکی 964 کردووە و دەڵێن، ئەگەر بەو ئەپلیکەیشنە مامەڵە بکەن، هەموو زانیارییە کەسییەکانی کڕیار دەکەوێتە دەست کۆمپانیاکان و زەریبەکەش بۆ پێنج هێندە زیاتر دەکەوێ لەسەریان.
وەک خۆیان دەڵێن، زەرەرمەندی یەکەمی کارکردن بەو ئەپلیکەیشنە، هاوڵاتییە ئینجا خاوەن نوسینگەکانی خانووبەرە.
پێداچوونەوە؛ شۆڕش قادری