دوای چارەسەرکردن باڵندەکەیان گەڕاندەوە ناو سروشت

فەرهاد حەسەن

پۆلیسی دارستان و ژینگەی سلێمانی دەڵێت تیمەکانیان لە پیرەمەگروون دوای چارەسەری پێویست باڵندەیەکیان گەڕاندەوە ناو سروشت.

ئاماژە بەوەکراوە، لەماوەی چەند رۆژی رابردوودا باڵندەیەکی کێوی کە توانای فڕینی نەبوو، رادەستی بنکەی پۆلیسی دارستانی پیرەمەگروون کرا، ئەوانیش دوای چارەسەری رەوانەی ناو سروشتیان کردەوە.

چارەسەرکردنەکەی بە هاوکاری و هەماهەنگی بنکەی ڤێتەرنەری ئەو ناحیەیە کراوە و تاوەکو دڵنیابوون لە چاکبونەوەی، ئینجا لە بناری چیای پیرەمەگروون و گەڕاندرایەوە ناو سروشت و ژینگەکەی خۆی .