تۆنێک گەنم بە 400 هەزار دینار دەدرێ بە جوتیاران

ئەحمەد مستەفا

کشتوکاڵی بەردەڕەش رایگەیاند، بڕێکی گەنمی تۆوی کشتوکاڵی لەلایەن بەڕێوەبەرایەتی گشتیی کشتوکاڵی دهۆکەوە بۆ جووتیارانی سنوورەکە دابین کراوە و دابەشکردنی بەسەر جووتیاراندا دەستی پێکردووە.

بەپێی راگەیەندراوی بەڕێوەبەرایەتییەکە، جوتیارانی خاوەن سەرچاوەی ئاو، وەک بیری ئیرتیوازی، دەتوانن سەردانی بەڕێوەبەرایەتیی کشتوکاڵی بەردەڕەش بکەن و بڕی گەنمی تایبەت بە خۆیان وەربگرن.

گەنمەکە لە جۆری “جیهان 99″ـە، کە بە جۆرێکی باوەڕپێکراو ناسێنراوە و نرخی هەر تەنێکی 400,000 دیناری عێراقییە.

بەڕێوەبەرایەتیی کشتوکاڵی بەردەڕەش داوا لە جووتیاران دەکات بۆ وەرگرتنی تۆوەکانیان سەردانی بەڕێوەبەرایەتییەکە بکەن و سوود لەم دەرفەتە وەربگرن.